Zjarr i madh shpërthen në Hollywood, Los Angeles. Flakët kanë përfshirë një zonë të gjerë dhe janë duke rrezikuar jetën e qytetarëve, shkruan Gazeta Momenti.
Si pasojë e intensitetit të flakëve, autoritetet kanë urdhëruar evakuimin e mbi 100 mijë banorëve të zonës, ndërsa përpjekjet për të kontrolluar zjarrin janë bërë të pamundura.
Aktualisht, më shumë se 1.400 zjarrëfikës janë angazhuar për të luftuar flakët dhe për të shpëtuar jetët e njerëzve, por situata vazhdon të jetë jashtë kontrollit.
Në këtë tragjedi, pesë persona kanë humbur jetën dhe shumë të tjerë janë të lënduar, ndërsa disa janë ende të zhdukur. Ndërkohë, ndikimi i zjarrit është përhapur edhe më tej, duke shkaktuar ndërprerje masive të furnizimit me energji elektrike, me rreth 315 mijë banorë që kanë mbetur pa rrymë.
Sipas raportimeve të fundit nga BBC, autoritetet janë duke punuar intensivisht për të evakuuar më shumë njerëz nga zonat më të rrezikuara dhe për të mbrojtur pasuritë e qytetarëve, por gjithashtu kërkohet ndihmë ndërkombëtare për të përballuar këtë katastrofë natyrore.
Të gjithë banorët dhe ata që ndodhen në afërsi të zonës janë këshilluar të ndjekin udhëzimet e autoriteteve dhe të mbeten të sigurt./Gazeta Momenti/
