Presidentja e Kosovës, Vjosa Osmani, ka paralajmëruar një paraqitje publike në media vetëm pak orë pas zhvillimeve të fundit politike dhe vendimit të Gjykata Kushtetuese e Kosovës lidhur me dekretin për zgjedhjet.
Përmes një postimi në rrjetet sociale, Osmani ka bërë të ditur se sonte do të japë një intervistë ku pritet të flasë për situatën aktuale politike në vend dhe për zhvillimet e fundit institucionale.
“Sonte, nga ora 20:45, intervista me Çim Pekën në Syri TV. Ju ftoj të na ndiqni!”, ka shkruar Osmani, duke publikuar edhe një fotografi që paralajmëron paraqitjen e saj televizive.
Intervista do të zhvillohet në emisionin e gazetarit Çim Peka në televizionin shqiptar Syri TV dhe pritet të tërheqë vëmendje të madhe, pasi vjen menjëherë pas vendimit të fundit të Gjykatës Kushtetuese që ka ndikuar në zhvillimet politike dhe debatin rreth dekretit për zgjedhjet.
