Kryeziu nga DnV: KQZ-ja në Kosovë do të jetë më efikase për integritetin e votës

Ismet Kryeziu nga Demokracia në Veprim (DnV), ka thënë se KQZ-ja kësaj radhe do të jetë më efikase për sa i përket integritetit të votës.

Duke folur për manipulimet me votat në zgjedhjet e fundit nacionale, Kryeziu tha se KQZ ka shtuar 2-3 elemente që do të fuqizojnë besimin në proces. ‘Janë dy-tre elemente që KQZ ka arritur t’i gjejë nga ky proces që ka ndodhur.

Shtimin e numrit të tavolinave, hapja dhe mundësia e bërjes publike të kamerave dhe mbikëqyrja që bëhet nga KQZ në atë proces.

Besoj se janë ndërmarrë masa të reja nga KQZ që do të garantojë që vota e secilit kandidat të numërohet drejt’. ‘Ne si DnV, në zgjedhjet e kaluara nuk e kemi monitoruar procesin e QNR-ve, por tani do të kemi rreth 100 vëzhgues në monitorimin e procesit të përgjithshëm brenda qendrave’, shtoi Kryeziu.