Kampionia aktuale e Evropës, Spanja, hyn në Kupën e Botës si një nga favoritët kryesorë për trofeun.
Megjithatë, skuadra e drejtuar nga Luis de la Fuente ka edhe një mision tjetër: t’i japë fund ecurisë zhgënjyese në Botërorë pas triumfit historik të vitit 2010.
Sot duket e pabesueshme, por në vitin 2022 trajneri Luis Enrique u kritikua ashpër nga mediat spanjolle për besimin e madh që i dha veteranit Sergio Busquets dhe talenteve ende shumë të rinj, Gavi e Pedri.
Gjithçka nisi në mënyrë perfekte.
Spanja dominoi fazën kualifikuese, duke fituar të gjashtë ndeshjet, ndërsa Ferran Torres ishte golashënuesi më i mirë i ekipit me katër gola.
Në ndeshjen hapëse të Botërorit, “La Roja” shkatërroi Kosta Rikën me rezultatin 7-0, ku Ferran realizoi dy herë.
Skuadra e Enriques u akuzua për lojë sterile dhe qarkullim të tepërt të topit pa efekt konkret në sulm.
Eliminimi nga Maroku u konsiderua si fundi i një cikli.
Pas largimit të Enriques, federata spanjolle ia besoi drejtimin Luis de la Fuentes, trajnerit që kishte punuar me sukses te ekipet zinxhir të Spanjës.
Një rol vendimtar pati edhe Mikel Oyarzabal, i cili shënoi golin e fitores në finalen e Euro 2024 dhe ndihmoi në zgjidhjen e problemit të kahershëm të Spanjës në qendër të sulmit.
Lamine Yamal shpërtheu në skenën ndërkombëtare, duke u bërë asistuesi më i mirë i Euro 2024, ndërsa supergoli i tij ndaj Francës tashmë konsiderohet një nga momentet ikonike të turneut.
Transformimi i Spanjës ka qenë i jashtëzakonshëm.
Nga marsi i vitit 2023 deri në qershor 2025, “La Roja” nuk humbi asnjë ndeshje zyrtare, duke konfirmuar rikthimin mes superfuqive të futbollit botëror.
You must be logged in to post a comment Login