Gazetari Vehbi Kajtazi ka kritikuar Lëvizjen Vetëvendosje dhe kryeministrin Albin Kurti për tentim të prishjes së rendit kushtetues të Kosovës.
Në emisionin Rubikon të Klan Kosovës, Kajtazi ka theksuar se fillimi i procedurës për zgjedhjen e presidentit është përpjekje për përmbysje të sistemit kushtetues të Kosovës.
Sipas tij, Lëvizja Vetëvendosje nuk dallon nga Lista Serbe në synimin e tyre për përmbysjen e rendit kushtetues.
Ai gjithashtu ka theksuar se sjellja e Kurtit i kujton vitin 1989 kur u anulua autonomia e Kosovës.
Kajtazi theksoi se është shqetësuese që edhe në vitin 2026 ka udhëheqës që tentojnë të përmbysin rendin kushtetues.
Sipas tij, Lëvizja Vetëvendosje dhe Lista Serbe mund të kenë metoda të ndryshme, por të dyja luftojnë sistemin kushtetues të Kosovës.
