Gjykata Themelore në Gjakovë ka caktuar masën e paraburgimit një muaji për dyshuarin O.
B., i cili dyshohet për tentim vrasje më 2 maj të këtij viti.
Sipas Prokurorisë Themelore, incidenti ka ndodhur në terasën e lokalit ‘S’, ku pas një mosmarrëveshjeje, dyshuari ka sulmuar fizikisht të dëmtuarin dhe më pas ka shtënë në drejtim të tij.
Dyshuari është larguar nga vendi i ngjarjes, ndërsa policia ka sekuestruar armën dhe një thikë.
Gjyqtari Driton Sadiku ka vlerësuar se kushtet ligjore janë përmbushur për caktimin e masës së paraburgimit.
I pandehuri do të mbahet në paraburgim për një muaj, periudhë që llogaritet nga data e arrestimit.
Palët kanë të drejtë ankese ndaj vendimit në Gjykatën e Apelit të Kosovës.
