Presidenti i Kroacisë, ka një përgjigje të drejtpërdrejt për homologun e tij serb, Aleksandar Vuçiq.
Zoran Millanoviq, thotë se janë plotësisht të pabaza e aspak nuk i kontribuojnë stabilitetit në rajon, pretendimet që shumë kush i sheh edhe insinuata të Aleksandar Vuçiqit se tri shtete gjoja duan ta sulmojnë Serbinë.
Republika e Kosovës bashkë me atë të Shqipërisë e Kroacisë, që të dyja anëtare të NATO-s më 18 mars 2025 nënshkruan në Tiranë një nismë për bashkëpunimin në fushën e sigurisë dhe mbrojtjes mes tyre.
Kësaj aleance i doli kundër vetëm Beogradi, përderisa presidenti i atjeshëm vazhdoi të kërcënojë të enjten se Serbia, do armatoset edhe më shumë.
Tensionet në rajon u rritën kur në muajin mars u zbulua se shteti serb tashmë është pajisur me raketa balistike supersonike nga Kina CM400 duke u bërë vendi i parë në Evropë që i zotëron ato.
Ky fakt dhe retorika ndezëse që vie nga regjimi pushtetar në Beograd, bënë që kryetari kroat, të anuloj mbajtjen e Samitit Brdo-Brioni, nismë kjo për bashkëpunim rajonal kroato-Sllovene që duhej të mbahej në muajin maj në Zagreb.
