Një nga figurat më ikonike të Victoria’s Secret, Candice Swanepoel është shpesh në qendër të vëmendjes për fizikun e saj të tonifikuar dhe elegant.
Por pas këtij rezultati nuk fshihet “magji”, por një rutinë e disiplinuar dhe e balancuar.
Candice është e njohur për kombinimin e ushtrimeve funksionale me lëvizje të lehta, por efektive.
Ajo punon shumë me squats dhe lunges për glutes, ushtrime core për bark të sheshtë, pilates dhe joga për fleksibilitet dhe posturë.
Një pjesë e rëndësishme e rutinës së saj është edhe Pilates, që ndihmon në krijimin e një trupi të gjatë dhe të tonifikuar pa e “rënduar”.
Në intervista për Vogue, ajo ka treguar se nuk ndjek dieta ekstreme.
Ushqehet shëndetshëm, por pa u privuar totalisht – një balancë që e ndihmon të ruajë energjinë dhe formën.
Dieta e saj përfshin proteina të pastra (peshk, pulë), shumë perime dhe fruta, yndyrna të mira (avokado, arra).
Para eventeve të mëdha si show-t e Victoria’s Secret, ajo rrit intensitetin e stërvitjes me ushtrime më të shpeshta dhe më të fokusuara te zona të caktuara, sidomos glutes dhe core.
Përtej fizikës, Candice thekson shpesh rëndësinë e vetëbesimit dhe kujdesit për veten.
Sipas saj, një trup i bukur nuk është vetëm rezultat i palestrës, por edhe i mënyrës si ndihesh me veten.
