Neslihan Atagül rikthehet në ekran në sezonin e ri televiziv: Çfarë të presim?

Aktorja e njohur turke, Neslihan Atagül, po i jep fund shkëputjes së saj të gjatë nga ekrani.

Pas një pauze të marrë për t’u kujdesur për djalin e saj, Aziz, aktorja ka njoftuar zyrtarisht se në sezonin e ri televiziv do të rikthehet fuqishëm në sheshxhirime.

Projekti i saj i fundit televiziv përpara shkëputjes ishte seriali “Gecenin Ucunda” (Në fund të natës).

Atagül, e cila gëzon një martesë të lumtur me aktorin Kadir Doğulu, solli në jetë djalin e tyre më 6 mars 2025.

Pas pothuajse tre vitesh larg kamerave dhe vëmendjes së projekteve kryesore, ajo është shprehur mjaft e emocionuar për këtë rikthim të shumëpritur nga fansat.

Duke folur për planet e saj të reja, aktorja tregoi se i kishte munguar tmerrësisht atmosfera e sheshxhirimeve.

Ajo konfirmoi se projektet kanë nisur të lëvizin, duke thënë: “Këtë sezon do të jem në ekran.

Jam shumë e emocionuar.

Aktualisht jemi në fazën e përgatitjeve.

Partneri im në serial ende nuk është përzgjedhur, por unë jam gati.

Duke qenë se çdo gjë është ende shumë e re, nuk mund të ndaj detaje më konkrete.” Rikthimi në punë me një fëmijë të vogël kërkon organizim, por Neslihan e ka gjetur tashmë zgjidhjen.

Ajo tregoi se gjatë procesit të xhirimeve, djali i saj i vogël, Aziz, do ta shoqërojë herë pas here në punë.

Aktorja shtoi me humor dhe vendosmëri: “Edhe djali im do të vijë në sheshxhirim.

Jemi gati për të jetuar në karavan!”.

Megjithatë, emri i serialit apo platforma se ku do të transmetohet projekti i saj i ri mbeten ende një sekret që pritet të zbulohet në javët në vijim.