Presidentja e Kosovës, Vjosa Osmani, ka ndërmarrë një hap të ri politik duke proceduar në Kuvendi i Kosovës amendamentet kushtetuese që synojnë zgjedhjen e drejtpërdrejtë të presidentit nga qytetarët.
Sipas njoftimit të saj, ky veprim vjen pas krizave dhe dështimeve të njëpasnjëshme që kanë ndodhur ndër vite gjatë zgjedhjes së presidentit në Kuvend. Osmani theksoi se sistemi aktual shpesh ka prodhuar bllokada politike dhe ka krijuar tensione institucionale.
Amendamentet që janë proceduar nuk janë të reja. Ato janë hartuar që në vitin 2011 nga Komisioni për amendamentimin e Kushtetutës, por deri më tani nuk kanë marrë mbështetjen e nevojshme politike për t’u miratuar.
Presidentja u ka bërë thirrje të gjitha partive politike në Kuvend që t’i mbështesin këto ndryshime kushtetuese, duke theksuar se vendimi përfundimtar duhet t’i takojë qytetarëve.
“Tash e tutje, le të flasë populli!”, ka deklaruar Osmani.
Nëse këto amendamente miratohen nga Kuvendi i Kosovës, atëherë në të ardhmen presidenti i Kosovës mund të zgjidhet drejtpërdrejt nga qytetarët përmes votës popullore, duke ndryshuar një nga mekanizmat kryesorë të sistemit politik në vend.
