Shtëpia e Bardhë ka bërë të ditur se SHBA-ja do të lëshojë një numër të kufizuar pasaportash me portretin e presidentit amerikan, Donald Trump, si pjesë e festimeve për 250-vjetorin e Deklaratës së Pavarësisë së SHBA-së.
Zyrtarët kanë konfirmuar se dizajnet e reja do të jenë të disponueshme për çdo qytetar amerikan që aplikon për një pasaportë, ndërsa pasaportat do të jenë të disponueshme vetëm në Agjencinë e Pasaportave të Uashingtonit.
Pasaporta e re do të përmbajë portretin e Trump-it, tekstin e Deklaratës së Pavarësisë dhe flamurin amerikan, së bashku me firmën e presidentit me ngjyrë ari.
Një zëdhënës i Shtëpisë së Bardhë ka thënë se dizajni i ri patriotik ofron një mënyrë tjetër për amerikanët të festojnë 250-vjetorin e Amerikës.
Pasaportat aktuale amerikane përshkruajnë skena nga historia e vendit, siç është ulja në Hënë dhe simbole amerikane si Statuja e Lirisë.
Nuk dihet nëse qytetarët amerikanë do të kenë mundësi të zgjedhin të mos marrin pjesë në edicionin special të pasaportave.
