Ushtruesja e detyrës së Presidentes, Albulena Haxhiu, ka përkujtuar përvjetorin e rënies së dëshmorit të kombit, Luan Haradinaj.
Në një postim në Facebook, Haxhiu vlerësoi lart figurën e Haradinajt, duke theksuar se ai ishte ndër luftëtarët e parë të UÇK-së dhe një nga njerëzit që hapi rrugën e mbështetjes logjistike nga Shqipëria.
Megjithatë, postimi i saj ka nxitur reagime të shumta nga qytetarët në rrjetet sociale.
Disa prej tyre kanë rikujtuar deklarata të mëhershme, duke thënë se bashkëshorti i saj kishte ofenduar nënën e heroit kombëtar.
Në komente, qytetarët kanë shprehur kundërshtimin e tyre ndaj postimit të Haxhiut dhe janë shprehur me emocion lidhur me figurën e Luan Haradinajt.
Vitin e kaluar, kreu i Aleancës, Ramush Haradinaj pati reaguar pas akuzave nga bashkëshorti i Albulena Haxhiut, Alban Krasniqi, për keqpërdorimin e lotëve të nënës së tij në kohë fushate.
Haradinaj kishte theksuar se nuk e ka humbur besimin asnjëherë dhe se është mbështetur gjithmonë në bashkëluftëtarët dhe popullin e Kosovës.
