Klientët e Comodita Home, përveç që blerjet që do t’i bëjnë në dyqane do t’u hyjnë në punë për vete, ato do t’i ndihmojnë edhe dikujt tjetër.
Kjo pasi këto blerje do të kontribuojnë edhe në mbështetjen e arsimit të hershëm për fëmijët.
Krejt kjo falë partneritetit të arritur mes UNICEF-it dhe brendit vendor, ku një përqindje nga shitja e dyshekëve, jastëkëve dhe toperëve do të dedikohet për përmirësimin e qasjes dhe cilësisë së edukimit fillestarë në Kosovë e Shqipëri.
E pikërisht për këtë është hapur edhe institucioni përkatës. ‘Pas implementimit dhe përfundimit të suksesshëm mes Comodita Home dhe UNICEF, një bashkëpunim që ka ardhur natyrshëm për të kontribuar në zhvillimin e hershëm të fëmijëve, është hap qendra e parë në Mirosalë të Ferizajt, ose më saktë është aktivizuar qendra e cila kontribuon në zhvillimin e të vegjëleve tanë’, ka thënë Shqipe Berisha nga Comodita Home.
Por ky është vetëm fillimi, pasi bashkëpunimi tashmë ka kaluar në një hap tjetër. ‘Sot nis faza e dytë e bashkëpunimit me mesazh shumë domethënës, përqafoje fëmijën tënd çdo ditë duke theksuar dashurinë në rritjen e çdo fëmije’, tha më tej Berisha.
Kjo nismë ka ndikuar edhe më shumë te klientët, të cilët tashmë zgjedhin gjithnjë e më shpesh Comoditën për pajisjet e shtëpisë së tyre. ‘Përderisa blerja ime… një përqindje shkon për arsimin e fëmijëve, jam shumë e lumtur dhe shpresoj që kan me u kthy prapë dhe me bo të njëjtin gjest’, u shpreh një kliente.
Në këtë nismë për të vegjlit mund të kontribuojë secili. ‘Për çdo blerje të dyshekëve, një pjesë e përqindjes shkon për mbështetje të fëmijëve.
Kjo mund të bëhet fizikisht në dyqane dhe online’, deklaroi Shqipe Berisha nga Comodita Home.
Ky partneritet pritet të ndikojë drejtpërdrejt në përmirësimin e edukimit të hershëm për mijëra fëmijë në Kosovë dhe Shqipëri.
Ndërkohë, në kuadër të tij do të hapen edhe dy qendra të reja edukimi, njëra në Pejë e tjetra në Mitrovicë.
