Shefja e stafit të Presidentes së Kosovës, Learta Hollaj, ka reaguar ndaj kritikave të bëra pas dekretit për shpërndarjen e Kuvendi i Kosovës nga Presidentja Vjosa Osmani.
Në reagimin e saj, Hollaj theksoi se presidentja nuk ka vepruar sipas dëshirës personale, por ka përmbushur një detyrim që buron nga Kushtetuta e Republikës së Kosovës. Sipas saj, mosnxjerrja e një dekreti të tillë do të përbënte shkelje kushtetuese.
Ajo i cilësoi si të papranueshme akuzat e bëra ndaj presidentes, duke theksuar se kritikat për “monarki”, “arbitraritet” apo “verbërim pushteti” janë të pavend.
“Presidentja zbatoi atë që Kushtetuta kërkon. Pra, kreu një detyrim kushtetues e jo një dëshirë. Ajo do ta shkelte Kushtetutën sikur mos ta nxirrte një dekret të tillë,” ka deklaruar Hollaj.
Ajo shtoi se akuzat dhe fyerjet ndaj presidentes tregojnë mungesë tolerance për interpretime të ndryshme të Kushtetutës.
“Ta akuzosh atë për verbërim pushteti, monarki, arbitraritet e lloj-lloj fyerjesh që është turp t’i përmendim këtu, tregon se nuk keni as tolerancë minimale për njerëzit që thjesht mund të kenë interpretim ndryshe të Kushtetutës nga ai i juaji,” u shpreh Hollaj.
Sipas saj, presidentja ka bërë të ditur se është e gatshme që dekreti të dërgohet për vlerësim në Gjykata Kushtetuese e Kosovës dhe se çdo vendim i kësaj gjykate do të respektohet.
“Në një republikë, zelli për Kushtetutën është detyrë, jo ambicie,” përfundoi ajo.
