Kryeministri britanik, Keir Starmer, ka paralajmëruar se Rusia mund të jetë e gatshme të ndërmarrë një sulm ndaj NATO-s që në vitin 2030, duke theksuar rëndësinë e forcimit të kapaciteteve mbrojtëse të vendeve aleate për t’u përballur me kërcënimet e ardhshme.
Gjatë vizitës në një kompani të industrisë së mbrojtjes, Starmer theksoi se vlerësimet e inteligjencës britanike, si dhe ato të vendeve të tjera anëtare të NATO-s, tregojnë mundësinë e një përballjeje ushtarake me Moskën brenda pak vitesh. “Sipas vlerësimit tonë të inteligjencës dhe të vendeve të tjera të NATO-s, ekziston mundësia që Rusia të ndërmarrë një sulm ndaj aleancës që në vitin 2030”, deklaroi kryeministri britanik.
Starmer paralajmëroi se situata globale e sigurisë po bëhet gjithnjë e më e paqëndrueshme, duke e cilësuar periudhën aktuale si një nga më të rrezikshmet në dekadat e fundit. “Nuk është ekzagjerim të thuhet se po jetojmë në kohën më të rrezikshme dhe të pasigurt të jetës sonë”, shtoi ai, duke theksuar se qeveria britanike ka përgjegjësinë për të siguruar që vendi të jetë i përgatitur për çdo skenar.
You must be logged in to post a comment Login