Kryetari i NISMA-s Socialdemokrate, Fatmir Limaj, ka zhvilluar një takim me kryetarin e Partisë Demokratike të Kosovës, Bedri Hamza, dhe kanë arritur pajtim për një bashkëpunim strategjik ndërmjet tyre.
Limaj deklaroi se qytetarët presin më shumë përgjegjësi nga politika në këtë kohë të ndjeshme për vendin.
NISMA do ta mbështesë PDK-në dhe kandidatin e saj për kryeministër në zgjedhjet e ardhshme, ndërsa dy partitë do të koordinojnë bashkëpunimin dhe integrimin politik për të forcuar institucionet dhe zhvillimin e vendit.
Partneriteti afatgjatë synon stabilitet institucional, zhvillim ekonomik dhe forcim të shtetit.
Bashkëpunimi mbështetet në vlerat shtetformuese dhe orientimin euroatlantik, si dhe respektin për luftën çlirimtare dhe UÇK-në.
Limaj theksoi se mbështetja për këtë bashkëpunim është edhe mbështetje për vlerat e luftës çlirimtare dhe bashkëluftëtarët e UÇK-së.
Kjo marrëveshje shihet si hap i rëndësishëm drejt bashkimit të forcave politike në Kosovë.
You must be logged in to post a comment Login