Ministri i Energjisë i Katarit paralajmëron: Lufta në Lindjen e Mesme mund të tronditë ekonominë globale
Ministri i Energjisë i Katar, Saad al-Kaabi, ka paralajmëruar se një përshkallëzim i luftës në Lindja e Mesme mund të ketë pasoja të rënda për ekonominë globale dhe tregjet e energjisë.
Në një intervistë për Financial Times, Kaabi tha se në rast të përhapjes së konfliktit, eksportuesit e energjisë në Gjiri Persik mund të detyrohen të ndalojnë prodhimin brenda disa javësh. Sipas tij, një situatë e tillë do të mund të çonte çmimin e naftës deri në 150 dollarë për fuçi.
Ai theksoi se edhe nëse lufta do të përfundonte menjëherë, Katarit do t’i duheshin javë apo edhe muaj për të rikthyer furnizimet në nivele normale. Kjo për shkak të një sulmi me dron nga Irani ndaj uzinës më të madhe të gazit natyror të lëngshëm (LNG) në vend, në Ras Laffan.
Pas këtij sulmi, Katari – prodhuesi i dytë më i madh në botë i LNG-së – u detyrua të shpallë gjendjen e “forcës madhore”, duke paralajmëruar ndërprerje të furnizimeve.
Megjithëse Katari eksporton vetëm një pjesë të vogël të gazit të tij drejt Evropës, Kaabi vlerësoi se edhe Evropa do të përballej me pasoja serioze. Ai tha se blerësit nga Azia mund të ofrojnë çmime më të larta për gazin në treg, duke e bërë më të vështirë për vendet evropiane sigurimin e furnizimeve.
Sipas ministrit, edhe eksportuesit e tjerë të energjisë në rajonin e Gjirit mund të përballen me vështirësi në përmbushjen e kontratave të tyre.
“Të gjithë ata që nuk e kanë deklaruar forcën madhore pritet ta bëjnë këtë në ditët në vijim nëse kjo situatë vazhdon. Të gjithë eksportuesit në rajonin e Gjirit do të detyrohen të deklarojnë forcën madhore. Nëse nuk e bëjnë, do të detyrohen ligjërisht të paguajnë për të, dhe kjo është zgjedhja e tyre,” ka deklaruar Kaabi.
