Qendra Klinike Universitare e Kosovës (QKUK) ka formuar një komision ad-hoc për të zhvilluar hetim administrativ lidhur me rastin e bërë publik nga Aulonë Mehmeti për trajtimin e fëmijës së saj.
Pas verifikimeve të para, janë konstatuar disa parregullsi, përfshirë ato të pasqyruara në fotografitë e publikuara në media dhe rrjete sociale.
Për këto parregullsi janë dhënë vërejtje ndaj personave përgjegjës në zinxhirin hierarkik menaxherial, ndërsa është suspenduar përkohësisht një punëtor i shërbimeve teknike.
Ndërkaq, për të garantuar një hetim të paanshëm administrativ, janë ndërmarrë masa të përkohshme edhe ndaj katër infermierëve.
Aulonë Mehmeti ka paraqitur kushtet brenda Klinikës së Pediatrisë ku po qëndron bashkë me djalin e saj dhe ka denoncuar presionin që po i bëhet rreth statusit të saj në Facebook.
