Lidhja e tyre nisi brenda mureve të shtëpisë më të famshme në Shqipëri dhe duket se rrugëtimi i Brikena Selmanit dhe Mateo Borrit po vazhdon i fortë edhe pas përfundimit të Big Brother VIP Albania 5.
Pas “martesës” së tyre simbolike gjatë lojës, shumë ndjekës ishin kuriozë nëse romanca do t’i rezistonte jetës reale.
Dyshja po dëshmon pikërisht qëndrueshmërinë e kësaj lidhjeje çdo ditë e më shumë, duke u shfaqur të pandashëm në publik dhe duke kaluar çdo moment të lirë bashkë.
Së fundmi, Brikena ka ndarë në Instagram një moment mjaft romantik nga përditshmëria e tyre.
Ajo ka publikuar një imazh ku shfaqet Mateo i buzëqeshur teksa shikon një portret gjigant të sajin.
Në pikturë, Brikena paraqitet me një kurorë dhe një fustan elegant, ndërsa shikimi i Mateos tregon qartë admirimin për të.
Kjo foto e shkrepur nga vetë modelja konfirmon se vëmendja e ish-finalistit të BBVA është tërësisht e përqendruar te partnerja e tij. Çifti, i cili kaloi dinamika të forta dhe momente sfiduese gjatë rrugëtimit televiziv, po tregon se kimia mes tyre vazhdon edhe pas daljes nga izolimi.
Ata po shijojnë kohën me njëri-tjetrin, pa harruar të mbajnë të përditësuar publikun që i mbështeti që nga dita e parë.
Me këtë imazh të fundit, Brikena dhe Mateo vërtetojnë edhe një herë se janë një ndër dyshet më simpatike dhe më të ndjekura të momentit në showbiz-in tonë.
