Duke folur gjatë një konference të përbashkët për shtyp me ministrin e jashtëm të Indisë në New Delhi, ai përsëriti se qëllimi i SHBA-së është që Irani ‘të mos ketë kurrë një armë bërthamore’. ‘Irani nuk mund të ketë kurrë një armë bërthamore.
Presidenti ka qenë i qartë për këtë’, shtoi ai.
Rubio gjithashtu dënoi kërcënimet e Iranit për të shkatërruar anijet në Ngushticën e Hormuzit si të paligjshme dhe tha se tolerimi i këtyre kërcënimeve do të krijonte një precedent të rrezikshëm. ‘Ata nuk e zotërojnë. Është një rrugë ujore ndërkombëtare.
Ajo që po bëjnë tani është në thelb se po kërcënojnë të shkatërrojnë anijet tregtare që përdorin një rrugë ujore ndërkombëtare’, tha ai. ‘Kjo është e paligjshme sipas çdo koncepti të së drejtës ndërkombëtare… nëse do ta lejonim këtë të bëhej normale, do të normalizonim një status quo të papranueshme dhe do të vendosnim një precedent të rrezikshëm’, shtoi ai.
