Sekretari i Përgjithshëm i NATO-s dënon sjelljen e pamatur të Rusisë si rrezik për të gjithë, NATO gati të mbrojë çdo centimetër të territorit aleat

Sekretari i Përgjithshëm i NATO-s, Mark Rutte, e ka dënuar “sjelljen e pamatur të Rusisë” si “një rrezik për të gjithë ne”.

Rutte thotë se e ka siguruar Presidentin rumun Nicuşor Dan se NATO “është gati të mbrojë çdo centimetër të territorit aleat”.

Ai shton në një postim në X se Rusia vazhdon të “sulmojë civilët dhe infrastrukturën civile në të gjithë Ukrainën” dhe “mbrëmë tregoi edhe një herë se implikimet e luftës së tyre të paligjshme të agresionit nuk ndalen në kufi”, shkroi BBC, transmeton Klankosova.tv.

Rutte thotë se NATO do të vazhdojë të forcojë mbrojtjen e saj dhe do të vazhdojë të mbështesë Ukrainën kundër agresionit të Rusisë.