Shtetet e Bashkuara po planifikojnë të reduktojnë ndjeshëm avionët dhe anijet luftarake që i vënë në dispozicion operacioneve të NATO-s në Evropë, sipas dy zyrtarëve të lartë evropianë.
Ky hap përshpejton përpjekjet e Uashingtonit për të zvogëluar mbrojtjen që u ka ofruar aleatëve evropianë për gati tetë dekada.
Vendimi pritet të kufizojë aftësinë e NATO-s për të kryer sulme me rreze të gjatë veprimi dhe operacione mbikëqyrjeje.
Pentagoni nuk ka bërë publike ende afatet e zbatimit të planit, por zyrtarë amerikanë kanë lënë të kuptohet se ndryshimet do të hyjnë në fuqi shumë shpejt, më herët sesa kishin parashikuar aleatët evropianë.
Një reduktim i tillë do të ndikonte në aftësinë e NATO-s për të monitoruar lëvizjet e nëndetëseve ruse ose për të lëshuar raketa me rreze të gjatë veprimi, si Tomahawk, thellë në territorin rus.
Presidenti Trump ka kritikuar prej vitesh barrën që, sipas tij, ShBA mban brenda NATO-s.
Evropa vazhdon të përballet me vështirësi në koordinimin e përpjekjeve të saj ushtarake.
Gjermania konfirmoi së fundmi tërheqjen nga një projekt i përbashkët me Francën dhe Spanjën për ndërtimin e një avioni të ri luftarak.
Planin e reduktimit e ka komunikuar në mënyrë private detajet e planit ndërsa zyrtarët më të lartë amerikanë të mbrojtjes po flisnin publikisht për nevojën e ridislokimit të forcave drejt rajonit Indo-Paqësor.
You must be logged in to post a comment Login