Real Madridi po kalon javë të trazuara prapa skenës, me raportime të shumta që flasin për një atmosferë të tensionuar në skuadër, përplasje mes lojtarëve dhe pakënaqësi të brendshme.
Një nga rastet më të përfolura lidhet me Antonio Rüdiger, për të cilin pretendohet se ka pasur një konflikt me Álvaro Carreras, madje në një moment edhe e ka goditur.
Raportohet se javë më vonë, Rudiger e ka ofenduar dhe i ka bërtitur Carrerasit në stërvitje, deri në atë pikë sa skuadra e ka detyruar të kërkojë falje.
Në të njëjtën kohë, në qendër të vëmendjes janë edhe raportimet për një përplasje mes Aurélien Tchouaméni dhe Federico Valverde.
Tensione nuk paska pasur vetëm mes lojtarëve, por edhe Kylian Mbappé është përfshirë në një debat verbal me një anëtar të stafit teknik.
Situata e Dani Ceballos gjithashtu përkeqësohet pas përplasjeje me trajnerin Alvaro Arbeloa, duke e larguar atë nga kombinimet serioze për ekipin.
Ka pretendime se Ceballos i ka kërkuar Arbeloas të mos e kontaktojë më.
Disa njerëz në klub besojnë se ai mund të jetë personi që ka rrjedhur informacionin në media.
You must be logged in to post a comment Login