Luis Enrique ka vlerësuar maksimalisht Arsenalin para finales së Ligës së Kampionëve, duke theksuar se ‘Topçinjtë’ janë skuadra më e mirë në botë pa topin.
PSG dhe Arsenal do të përballen në Budapest më 30 maj, me PSG që synon të bëhet skuadra e parë, përveç Real Madridit, që mbron trofeun e Ligës së Kampionëve.
PSG e eliminoi Arsenalin në gjysmëfinale sezonin e kaluar, prandaj Luis Enrique e di mirë se çfarë kërkohet për ta mposhtur skuadrën e Mikel Artetas. ‘Kemi përvojë duke luajtur kundër Arsenalit të Mikel Artetas dhe e dimë shumë mirë sa të fortë janë me topin’, deklaroi Luis Enrique. ‘Pa topin, ata janë skuadra më e mirë në botë.
Do të jetë një finale shumë e vështirë me dy skuadra që i qasen në dy mënyra të ndryshme.
Por besoj se na pret një finale e madhe’, përfundoi trajneri i PSG-së.
Stili ofensiv i PSG-së këtë sezon është reflektuar edhe në shifra, pasi kanë realizuar 44 gola në Ligën e Kampionëve, shifra e dytë më e lartë ndonjëherë në një edicion të vetëm, pas Barcelonës që kishte shënuar 45 gola në sezonin 1999/00.
