Pas fitores në FA Cup ndaj Chelseat, Pep Guardiola po e mobilizon Manchester Cityn për një mbyllje të lodhshme sezoni dhe objektivi është i qartë, pra vetëm titulli i Ligës Premier.
City janë dy pikë prapa Arsenalit me dy ndeshje të mbetura, çka e bën udhëtimin e së martës në fushën e Bournemouthit pothuajse “duhet fituar”.
Trajneri spanjoll paralajmëroi se nuk e nënvlerëson aspak Bournemouthin, që po lufton për Evropën.
Bournemouth aktualisht ndodhet në vendin e gjashtë dhe i mjafton edhe një pikë nga dy ndeshjet e fundit për të siguruar futboll evropian për herë të parë në histori.
Guardiola pranoi edhe faktorët e lodhjes pas finales në Wembley, por nënvizoi se fitorja i ka dhënë skuadrës energji tjetër.
