Në moshën 84-vjeçare ka ndërruar jetë një nga emrat më të rëndësishëm në historinë e futbollit të Kosovës, Zenun Brovina.
Presidenti i Federatës së Futbollit të Kosovës, Agim Ademi, ka bërë të ditur lajmin e ndarjes së tij duke shprehur ngushëllimet për familjen dhe komunitetin e futbollit.
Brovina ishte një prej futbollistëve më të shquar të gjeneratës së tij, duke luajtur për Vëllaznimi të Gjakovës, Partizanin e Beogradit dhe Prishtinën, si dhe duke qenë kapiten i Reprezentacionit të Kosovës.
Federata e Futbollit e ka vlerësuar atë si një figurë emblematike të futbollit kosovar, për kontributin e tij në klubet ku ka luajtur dhe në përfaqësimin e Kosovës.
Vdekja e Brovinës vjen në të njëjtën ditë me largimin nga jeta të një legjende tjera të futbollit kosovar, Erdogan Celinës. “Sot futbolli ynë po i përcjell për në përjetësi dy nga futbollistët e tij më të çmuar, Zenun Brovinën dhe Erdogan Celinën.
Lamtumirë Zenun Brovina!
I përjetshëm qoftë kujtimi për Ju!”, shkroi Ademi.
You must be logged in to post a comment Login