Ai në ‘DPT te Fidani’ në Klankosova ka pretenduar se miliona euro nga buxheti i shtetit janë shpenzuar për persona që, sipas tij, nuk kanë ushtruar asnjëherë detyrë në institucione.
Edhe qeverisjen e parë nga Albin Kurti këta persona janë paguar me mbi 3.5 milionë euro nga pushteti i Albin Kurtit pa shku asnjë ditë në punë”, deklaroi Rrahmani.
Ai shtoi se, sipas raporteve të Zyrës Kombëtare të Auditimit, këta persona nuk janë paraqitur në vendet e punës dhe nuk dihet, siç u shpreh ai, ku kanë qenë gjatë kësaj periudhe.
Rrahmani përmendi veçanërisht Ministrinë e Infrastrukturës, ku sipas tij, 61 persona janë paguar pa u paraqitur në punë.
Ministria e Infrastrukturës 61 persona pa shkuar asnjë ditë në punë i ka paguar me 461.000 euro.
Ai shtoi se situata të ngjashme, sipas tij, kanë ndodhur edhe në vite të tjera, duke përmendur vitin 2021.
Rrahmani tha se, sipas tij, gjithçka është e dokumentuar në raportet e auditimit dhe se institucionet mund t’i verifikojnë vetë këto të dhëna.
Ai shtoi se çështja është trajtuar edhe në Komisionin për Mbikëqyrjen e Financave Publike, ku sipas tij është kërkuar që rastet të dërgohen në prokurori.
Ai kritikoi edhe mungesën e masave institucionale.
Në fund, Rrahmani tha se përgjegjësia kryesore bie mbi ekzekutivin dhe kryeministrin aktual të vendit.
You must be logged in to post a comment Login