Nga 1 korriku i këtij viti do të nisë procesi i intervistimit të kandidatëve për Kryeprokuror të Shtetit.
Këshilli Prokurorial i Kosovës tashmë ka caktuar datat për intervistimin e tyre.
Për këtë qëllim, të mërkurën është mbajtur edhe takimi i Panelit Vlerësues për emërimin e Kryeprokurorit të Shtetit.
Gjithashtu, KPK-ja ka njoftuar edhe palët e interesuara për të monitoruar intervistimin e kandidatëve. ‘Njoftohen të gjithë të interesuarit që t’u përmbahet të gjitha rregullave dhe orareve të përcaktuara nga KPK-ja dhe me mirëkuptim luten që për shkak të hapësirës së kufizuar, të konfirmojnë emrin e një përfaqësuesi/monitoruesi duke kontaktuar Zyrën pёr Komunikim Publik në adresën: info.kpk@rks-psh.org deri më datë 26 qershor 2026.’, thuhet në njoftim.
Në garë për Kryeprokuror të Shtetit janë pesë kandidatë, Atdhe Dema, Naim Abazi, Rafet Halimi, Shqipdon Fazliu dhe Zejnullah Gashi.
You must be logged in to post a comment Login