Binjaket e bashkuara në kokë, Heloisa dhe Helena, kanë humbur jetën tragjikisht në moshën dy vjeç e shtatë muaj, pas një operacioni kompleks 15-orësh për ndarjen e tyre.
Vajzat nga Brazili kishin kaluar më herët nëpër katër ndërhyrje kirurgjikale, në përgatitje për operacionin përfundimtar.
Në ndërhyrjen e fundit morën pjesë më shumë se 50 profesionistë mjekësorë dhe staf mbështetës.
Operacioni u krye në Hospital das Clínicas në Ribeirao Preto.
Mjekët thanë se gjatë ndërhyrjes binjaket pësuan paqëndrueshmëri hemodinamike, me ndryshime të rrezikshme të presionit të gjakut.
Edhe pse mjekët arritën t’i ndanin plotësisht, gjendja e tyre u përkeqësua pas operacionit.
Helena pësoi arrest kardiorespirator dhe u shpall e vdekur, ndërsa Heloisa gjithashtu u reanimua por u shpall e vdekur më pas.
Kirurgu plastik Jayme Farina Junior, një nga mjekët që koordinoi ekipin, tha se trupat e vajzave ishin veçanërisht të brishtë.
You must be logged in to post a comment Login