Çifti i dashur për publikun, Mihrije Braha dhe Naim Abazi, kanë qenë të ftuar në emisionin “Top Arena”, ku kanë zbuluar sekretin që e ka mbajtur kaq të fortë martesën e tyre.
Të pyetur se çfarë duan të ndryshojnë te njëri-tjetri, Naimi duke qeshur tha se Mihrije është treguar e zgjuar dhe herë pas here ka ndryshuar ngjyrën e flokëve, në mënyrë që ai të mos ndërrojë grua.
Të pyetur se kush ka më shumë fansa, të dy thanë për Mihrije dhe Naim shton: “Mihrije, atë e duan si femrat si meshkujt.
Mua s’më duan meshkujt, këtu është problemi”.
Françeska: Pas kaq shumë vitesh bashkë, cili është sekreti që e ka mbajtur kaq të fortë martesën tuaj?
Mihrije: Mendoj dashuria aq e sinqertë, aq e bukur, duke e ushqyer dhe duke e ujitur, nuk është shuar dhe nuk është tharë asnjëherë.
Kështu që sa kanë kaluar vitet dhe vazhdojnë të kalojnë¸dashuria jonë veç rritet.
Françeska: Nëse do të ndryshonit diçka te njëri-tjetri, çfarë do të ishte?
Naim: Unë nuk do të doja të ndryshonte Mihrija.
Edhe pse ajo ka përdodur një strategji shumë të mirë, shpesh ka ndryshuar ngjyrën e flokëve, në paraqitje, e ka bërë mençurisht.
Në mënyrë që ndërron kjo, që të mos ndërroj grua unë.
Françeska: Kush është më i rreptë ende me djalin?
Mihrije: Jo, nuk jemi të rreptë.
Nuk kam qenë as kur ka qenë i vogël dhe jam prej atyre mamave që vdesin pas çunave të tyre.
Françeska: Kush e thotë më shpesh fjalën të dua?
Naim: Unë i them me 1 janar ‘Të duaaaa’ dhe 365 ditë jehona e mban.
Françeska: Ti më duket se je ai që e nis debatin i pari?
Naim: Unë debatin e filloj po për mirë.
Françeska: Kush ka më shumë fansa?
Naim: Mihrije, atë e duan si femrat si meshkujt.
Mua s’më duan meshkujt, këtu është problemi Naim: Jo nuk bëhem xheloz.
Madje mundohem të ndikoj që Mihrije të jetë me fansa mirë.
You must be logged in to post a comment Login