Mbrojtësi anglez, Ezri Konsa thuhet se ka përfunduar transferimin te Arsenali nga Aston Villa, në një marrëveshje që mund të arrijë deri në 55 milionë funte (65 milionë euro).
Arsenali ka finalizuar transferimin e mbrojtësit anglez Ezri Konsa nga Aston Villa, duke i dhënë Mikel Artetës një tjetër përforcim të rëndësishëm në repartin mbrojtës.
Sipas raportimit të The Athletic, tarifa fillestare e transferimit është 51 milionë funte (60 milionë euro), ndërsa Aston Villa mund të përfitojë edhe 4 milionë funte (5 milionë euro) të tjera në formën e bonuseve.
Konsa, 28-vjeçar, ka kaluar me sukses testet mjekësore dhe ka firmosur kontratë katërvjeçare me Arsenalin, me opsion për një sezon të pestë.
Transferimi vjen në një moment të rëndësishëm për “Topçinjtë”, të cilët kanë probleme me dëmtimet në mbrojtje, veçanërisht pas mungesës së gjatë të William Salibas.
Konsa mund të luajë si qendërmbrojtës, por gjithashtu mund të mbulojë edhe krahun e djathtë.
Anglezi largohet nga Aston Villa pas 286 paraqitjeve për klubin dhe tashmë nis një kapitull të ri në karrierën e tij, me objektivin për të ndihmuar Arsenalin në luftën për trofe në sezonin e ri.
You must be logged in to post a comment Login