Lando Norris ka triumfuar në Çmimin e Madh të Holandës, duke regjistruar një tjetër fitore të rëndësishme në sezonin e Formula 1.
Piloti i McLarenit zhvilloi një garë të shkëlqyer në Zandvoort, ndërsa në podium u ngjitën edhe Kimi Antonelli dhe George Russell.
Gara nisi me një incident të madh që përfshiu Max Verstappen.
Kampioni katër herë i botës doli nga pista në xhiron e dytë dhe përplasi makinën, duke bërë që të shfaqej flamuri i kuq dhe gara të ndërpritej përkohësisht.
Pas rifillimit, Antonelli arriti ta parakalojë Norrisin dhe e mbajti kryesimin deri në xhiron e 41-të, kur hyri në bokse.
Kjo i dha mundësinë Norrisit të rikthehej në krye.
Britaniku hyri në bokse shtatë xhiro më vonë, ndërsa Lewis Hamilton mori përkohësisht kryesimin.
Megjithatë, Norris ishte shumë i shpejtë dhe në xhiron e 54-t kaloi fillimisht Antonellin dhe më pas Hamiltonin, duke marrë sërish vendin e parë.
Në xhiron pasuese, Antonelli parakaloi Hamiltonin dhe u ngjit në vendin e dytë.
Ndërkohë, George Russell arriti të sigurojë vendin e tretë, të cilin ia la më pas Antonellit gjashtë xhiro para përfundimit.
Hamilton tentoi deri në fund të rikthehej në podium, por një tjetër periudhë me Virtual Safety Car, dy xhiro para përfundimit, ia vështirësoi mundësinë për të parakaluar Russellin.
Kështu, Norris mori fitoren, Antonelli u rendit i dyti, ndërsa Russell kompletoi podiumin në Zandvoort.
You must be logged in to post a comment Login