Njoftim: Kufizohet qarkullimi i automjeteve të transportit të mallrave në Kosovë për shkak të temperaturave të larta

Ministria e Infrastrukturës dhe Transportit informon se sot, nga ora 11:00 deri në ora 17:30, ndalohet qarkullimi i automjeteve të transportit të mallrave me masë totale mbi 20 tonë në autoudhë.

Kufizimi është për shkak të temperaturave të larta që arrijnë ose tejkalojnë 32 gradë Celsius.

Automjetet e organeve të rendit, shërbimeve emergjente dhe institucioneve shëndetësore përjashtohen nga kjo masë.

Operatorët ekonomikë janë thirrur të respektojnë kufizimin dhe të planifikojnë qarkullimin në përputhje me orarin zyrtar.