Bashkëshortja e reperit Mc Kresha, Erzina, ishte e ftuara speciale në emisionin “Goca dhe Gra”.
Përballë panelit të grave dhe këngëtares Rozana Radi, ajo ka diskutuar hapur mbi një temë mjaft të ndjeshme dhe të komentuar në shoqërinë tonë: “Vajzat shqiptare nuk rrinë miq me ish-të dashurit”.
Gjatë bisedës, Erzina shprehu qartë dhe prerë qëndrimin e saj rreth kësaj çështjeje.
Sipas saj, kur dy njerëz ndajnë rrugët dhe nuk kanë fëmijë bashkë, nuk ka asnjë arsye për të ruajtur një miqësi të ngushtë.
Ajo theksoi se respekti mbetet dhe nëse rastësisht takohesh me ish-partnerin mund të shkëmbehet një “hello” (përshëndetje), por nuk ka pse të ketë mesazhe të tipit “si je, çfarë po bën”, pasi gjërat kanë përfunduar.
Megjithatë, Erzina shtoi se çdo gjë ndryshon rrënjësisht në qoftë se çifti ka fëmijë, ku komunikimi mbetet i domosdoshëm.
Këtij mendimi i është bashkuar plotësisht edhe Rozana.
Ajo u shpreh se sado modernë të përpiqemi të jemi në jetë, kur një histori mbaron, ajo mbaron për disa arsye të caktuara.
Rozana ngriti pikëpyetjen se pse duhet që dikush të kërkojë ende këshilla nga një ish-partner, kur gjërat tashmë kanë marrë fund dhe secili ka vazhduar jetën e tij përpara.
Prania e Erzinës në studio u vlerësua maksimalisht nga Rozana, e cila gjatë transmetimit u shpreh.
